18 ნოემბერს გორის სახელმწიფო სასწავლო უნივერსიტეტ II კორპუსში, ედუარდ რაუპის სახელობის ინგლისური ენის ბიბლიოთეკაში ჩატარდა სტუდენტური ღონისძიება „კითხვებისა და პასუხების საათი (Q and A Hour)“ ინგლისურ ენაზე, რომელსაც უძღვებოდა მერილანდისა და გორის უნივერსიტეტების ლექტორი, M.A.,TESOL - ის საერთაშორისო ასოციაციის წევრი მელანი ბეიკერი. ღონისძიებაზე გახორციელდა ინგლისური ენის ათვისებისა და პრაქტიკულად გამოყენების სხვადასხვა სახის მეთოდური და სიტუაციური აქტივობები. დასასრულს ინიციატორებმა და უნივრსიტეტის წარმომადგენლებმა მიიღეს გადაწყვეტილება ანალოგიური ღონისძიება ჩატარდეს ყოველკვირეულად, 2.30-3.30 სთ ოთხშაბათობით.