გორის სახელმწიფო სასწავლო უნივერსიტეტის სტუდენტურმა თეატრმა, 29 მაისს გორის გიორგი ერისთავის სახელობის, პროფესიულ სახელმწიფო დრამატული თეატრის სცენაზე, წარმოადგინა გიორგი ერისთავის კომედია - „ უჩინმაჩინის ქუდი“.

სტუდენტურ თეატრს ხელმძღვანელობს იაკობ გოგებაშვილის სახელობის პრემიის ლაურეატი, ღირსებისა და სამმოქალაქო თავდადების მედლების კავალერი, რეჟისორი - ანზორ გვაძაბია.

სპექტაკლის დაწყების წინ დამსწრეთ მიესალმა გორის უნივერსიტეტის რექტორის მოადგილე, პროფესორი ალექსანდრე მღებრიშვილი, რომელმაც მიულოცა სტუდენტებს და დასს მორიგი პრემიერა და უსურვა წარმატებები. ასევე აღნიშნა , რომ სტუდენტური დღეების ფარგლებში, არაერთი საინტერესო ღონისძიებაა დაგეგმილი.