20 აპრილს გორის უნივერსიტეტში ჩატრდა უნივერსიტეტის, გორის №8 და №11 საჯარო სკოლების ერთობლივი პროექტის ტრენინგ-დისკუსია, რომელშიც მონაწილეობდნენ გორის უნივერსიტეტის სტუდენტები, №8, №11 სკოლების ფსიქოლოგები და მოსწავლეები. პროექტის მიზანია უფროსი სასკოლო ასაკის მოსწავლეებში აგრესიის დონის შემცირება/პრევენცია, თანატოლებთან და უფროსებთან უკონფლიქტო, თანამშრომლობითი ურთიერთობის მნიშვნელობის გაცნობიერება და საჭირო უნარ-ჩვევების გამომუშავება. ასევე: სკოლის მოწავლეებს საშუალება ეძლევათ გაეცნონ საუნივერსიტეტო გარემოს, ასევე უნივერსიტეტი შესაძლებლობას აძლევს სტუდენტებს მოახდინონ პროგრამის ფარგლებში მიღებული თეორიული ცოდნის პრაქტიკაში იმპლემენტაცია. პროექტი ხელს შეუწყობს სკოლის მოსწავლეთა აგრესიის პრევენციას და მათ სოციალურ ინტეგრაციას. გორის სახელმწიფო სასწავლო უნივერსიტეტის რექტორი, პროფესორი გიორგი სოსიაშვილი მიესალმა სტუმრებს და გამოთქვა მზადყოფნა ახალგაზრდების საგანმანათლებლო აქტივობებში უფრო აქტიურად ჩასართველად.