28 ივნისს ატენის ხეობაში, სოფელ ხიდისთავიდან მე-14 კილომეტრზე, საზეიმოდ გაიხსნა გორის მუნიციპალიტეტის ტურიზმის ცენტრის სასწავლო ბანაკი ,,მეგზური.“ სადაც გორის სახელმწიფო სასწავლო უნივერსიტეტის მიერ შერჩეულმა სტუდენტებმა გაიარეს ტრენინგები ტურიზმის ინსტრუქტორის და გიდის პროფესიის შესასწავლად. ბანაკში დაწყებული სწავლება მუზეუმებში გადაინაცვლებს, რაც მათ, პრაქტიკულ უნარ-ჩვევების ჩამოყალიბებაში დაეხმარებათ.
5 ივლისს გორის სასწავლო სახელმწიფო უნივერსიტეტში ტრენინგის მონაწილეებს გადაეცათ სერტიფიკატები. სტუმრებს მიესალმა გორის უნივერსიტეტის რექტორი, პროფესორი გიორგი სოსიაშვილი და აღნიშნა, რომ, ასეთი სასწავლო ბანაკი პირველია საქართველოში, რომელიც გორის მუნიციპალიტეტის ტურიზმის ცენტრის მიერ, ატენის ხეობაში გაიხსნა". ბანაკის ფუნქციონიებასთან დაკავშირებით ისაუბრეს გორის მუნიციპალიტეტის გამგებელმა, დავით ონიაშვილმა, გორის უნივერსიტეტის კანცლერმა გიორგი ხორბალაძემ, გორის მუნიციპალიტეტის კულტურის, განათლების, სპორტისა და ახალგაზრდულ საქმეთა სამსახურის უფროსმა არსენ აზალაძემ და სასწავლო ბანაკის მსმენელმა, გორის სახელმწიფო უნივერსიტეტის სტუდენტმა სოფიო ჯილავდარმა.
ტურიზმის ცენტრის დირექტორმა რობერტ მაღლაკელიძემ, მადლობა გადაუხადა სტუმრებს და მასპინძლებს თანადგომისათვის.