14 ნოემბერს გორის უნივერსიტეტსა და ენის სახელმწიფო დეპარტამენტს შორის გაფორმდა ურთიერთთანამშრომლობის მემორანდუმი. შეხვედრა გახსნა გორის უნივერსიტეტის რექტორმა, პროფესორმა გიორგი სოსიაშვილმა, მადლობა გადაუხადა სტუმრებს და ისაუბრა მსგავსი თანამშრომლობის მნიშვნელობაზე. ენის სახელმწიფო დეპარტამენტის თავმჯდომარემ, ბატონმა გია ალიბეგაშვილმა დამსწრეებს გააცნო დეპარტამენტის მუშაობის სპეციფიკა და მიზნები. ასევე, ისაუბრა ენის სწავლების პრობლემებსა და გადაჭრის გზებზე. მემორანდუმის ხელმოწერის შემდეგ შეხვედრა გაგრძელდა კითხვა-პასუხის რეჟიმში.