2010 წლის 12 აგვისტოს გორის უნივერსიტეტში საქართველოს პარლამენტის საყოველთაო-სახალხო განხილვის საორგანიზაციო კომისიამ ახალი კონსტიტუციის პროექტის საჯარო განხილვა მოაწყო. შეხვედრა მიზნად ისახავდა მედიის წარმომადგენლების, ექსპერტების, დაინტერესებული პირების და მოსახლეობის აზრის ასახვას საქართველოს კონსტიტუციის ახალი პროექტის შემუშავების პროცესში. შეხვედრას ესწრებოდნენ: გორის უნივერსიტეტის რექტორის მოვალეობის შემსრულებელი, პროფესორი ალექსანდრე მღებრიშვილი, ადმინისტრაციის წარმომადგენლები, პროფესორ-მასწავლებლები, არასამთავრობო ორგანიზაციების, პრესისა და ტელევიზიის წარმომადგენლები. კონსტიტუციაში ცვლილებების შეტანის თაობაზე ისაუბრეს ბატონმა ავთანდილ დემეტრაშვილმა (კომისიის თავმჯდომარე), თენგიზ შარმანაშვილმა (კომისიის თავმჯდომარის მოადგილე), გიორგი კვერეჩხილაძემ (კომისიის წევრი), დიმიტრი ძაგნიძემ (საქართველოს იუსტიციის მინისტრის მოადგილე, კომისიის წევრი), კახაბერ ყურაშვილმა (კომისიის წევრი) და სოსო ცინცაძემ (პოლიტოლოგი, კომისიის წევრი).
დასასრულს სტუმრებმა ამომწურავად უპასუხეს დამსწრეთა მიერ დასმულ შეკითხვებს.