22 ნოემბერს  გორის სახელმწიფო სასწავლო უნივერსიტეტში ჩატარდა ტრენინგი „ელექტრონული სწავლება: მიზნები, ამოცანები, ინოვაციური სწავლების დანერგვა სასწავლებლებში“. მოწვეული იყო GIZ-ის ელექტრონული სწავლების ცენტრი, ექსპერტი პროფესორი მარიამ მანჯგალაძე. განხილული იყო თემები: რა არის ელექტრონული სწავლება, ელექრტონული სწავლების ფორმის დანერგვა უმაღლეს სასწავლებლებში; პირისპირ სწავლება, შერეული და დისტანციური სწავლება; ელექტრონული კურსის ტუტორობა და პირისპირ სწავლების პროცესის წარმართვა; ელექტრონული სწავლების საპილოტე კურსი და წარმატებული ელექტრონული კურსები. გაიმართა დისკუსია თემაზე: ელექტრონული სწავლება; სწავლების პროცესში მისი დანერგვის პერსპექტივა; მოსალოდნელი საფრთხეები. პროფესორებმა შეავსეს სპეციალური კითხვარი, უკუკავშირის შედეგად გამოიკვეთა, რომ ტრენინგის მონაწილეებმა გამოთქვეს მზაობა ელ. კურსების შესაქმნელად და ინოვაციური სწავლების დასანერგად.