მიმდინარე წლის 22 აპრილს, გორის სახელმწიფო უნივერსიტეტში გაიმართა დედამიწის საერთაშორისო დღისადმი მიძღვნილი ერთობლივი ღონისძიება. ღონისძიებაში მონაწილეობა მიიღეს განათლების, ზუსტ და საბუნებისმეტყველო მეცნიერებათა ფაკულტეტის სტუდენტებმა და გორის №2 საჯარო სკოლის მესამე კლასის მოსწავლეებმა (კლასის დამრიგებელი ნატალია ტაველიძე).
ღონისძიების ფარგლებში განხორციელდა ერთობლივი აქტივობები, რომლებიც მიზნად ისახავდა მოზარდებში ეკოლოგიური ცნობიერების ამაღლებასა და ბუნებაზე ზრუნვის პასუხისმგებლობის გაღრმავებას.
ღონისძიების ფარგლებში, მონაწილეებს დედამიწის დღე მიულოცეს და გარემოსდაცვითი განათლების მნიშვნელობაზე ისაუბრეს განათლების, ზუსტ და საბუნებისმეტყველო მეცნიერებათა ფაკულტეტის დეკანმა ასოც. პროფესორმა ლელა ალექსიძემ, ფაკულტეტის ხარისხის უზრუნველყოფის სამსახურის უფროსმა, ასოც. პროფესორმა ლაურა ელიაურმა და ბიოლოგიის მიმართულების ასოც. პროფესორმა თინათინ იოსებიძემ.
ღონისძიების დასკვნით ნაწილში გორის საგანმანათლებლო რესურსცენტრის ხელმძღვანელმა, ბატონმა გიორგი ბერძნიშვილმა და გორის №2 საჯარო სკოლის დირექტორმა, ქალბატონმა თამარ სამსონაშვილმა დამსწრე საზოგადოებას მიულოცეს დედამიწის დღე და ხაზი გაუსვეს მსგავსი ინიციატივების მნიშვნელობას სკოლისა და უნივერსიტეტის თანამშრომლობის პროცესში.